Schnitzelbankgruppe Tröpflibrünzler, Schnitzelbänke

Die Schnitzelbankgruppe Tröpflibrünzler formierte sich 1979 und trat bis 1999 an jeder Fasnacht mit Schnitzelbank-Produktionen auf. Nachfolgend eine Liste mit Kostproben.

Schnitzelbänke

1979

Premiere in den Restaurants Bahnhof und Bären

1981

D’AULA seid, es tued eus leid
Nur Riichi chömed i’Donauweid
Die bilige Wohnige sind jetzt sälte
Mir Chomer müend ad Lorze go zälte

(Hinweis: Die AULA AG plant eine Überbauung auf der Donauweid)

1982

Motto: WC-Schiissi und spüele

Keine, keine, keine, keine
Eine, eine, eine, eine
Eine, eine, eine, zwee
Das isch d’SP-Versammlig gse

1983

Lampe

Psst, psst, psst, so sind doch still
Das isch’s nur was mer vo euch will
Für’s still si müemmer nochher zahle
Je meh dass still bisch desto stilleri Wahle

1984

Euse Vorschlag zum Verchehrsrichtplan
Übere See müesst doch en Autobahn
De chönnt me asphaltiere im Flache
Und us em Sprungturm en Ample mache

1985

Vorhang auf

Ich zeige euch gern d’Staldergretsche
Due d’Fraueriege emol menetsche
So redt en Jüngling, zart und hold
Es isch de nöii Pfarrer, Kaiser Leopold

(Hinweis: Pfarrer Leopold Kaiser ist ausgebildeter Tänzer)

1986

Regenbogen

De Wasserschiiklub däg nüüt nütze,
findt de WWF wott d’Stockente schütze.
Doch die händ fröiid a dere Wasserschanze
und vom viele trainiere scho e blutte Ranze

1987

Stadtfest

De Bienz und de Schmid tüend s’Parfüm tuusche
De Arnet und de Dolfi mit em Denim ruusche
De Wyss Heinz bürschtet sini Baggelocke
denn jede möcht näb de Kuhnene hocke

(Hinweis: Susi Kuhn war die erste Frau im Gemeinderat)

1988

A de Gmeind ghörsch de Nigg Richi läschtere
«Warum händ ihr de Radwäg müesse pfläschtere?
Bi däm fibiriere chasch ned richtig i d’Pedale stiige!
Dass isch joo en Füdlimassage für d’Fraueriege.

1989

De Ghaddaffi baut wiit usse im Schilf
E Chemiefabrik mit düütscher Hilf
D’Amis schreied und de Gorbi au
Aber vo de stinkende Pavatex, do redt kei Sau!

(Hinweis: Die Pavatex wird immer wieder mit Forderungen nach besseren Abluft-Filtern konfrontiert)

1990

Nur für gebührenpflichtige Säcke

Näb de Sackgebühr e wiiteri Plaag
ZN erschiint jetzt jede Taag
Ohni Werbig i raue Mänge
Würd für das Chäsblatt es Flugblatt länge

(Hinweis: Eine Kehricht-Gebühr via Sack wird eingeführt)

1991

Jubiläum Schweiz

download des Schnitzelbanks

D’Subventione müend weg, forderet s’GATT
De Baaregg-Kari findet’s gar nid glatt
Im Wismer würd so s’Land nümm gnüege
Drum tued er z’Niederwil d’Hauptstross pflüege

1992

Kunst

Im Inseli han ech ane Baum herepinklet
ond merk, do hed jo eine heregstinklet.
Do chund de Oehri und seit es paar Wort
Liebi Gäscht, dass isch ächti Kunst an Ort.

(Hinweis: Im Villette-Park findet eine Kunst-Ausstellung statt)

1993

Im Gmeindhus tüen’s, en schwarzi Fahne hiisse
wäge de Tube, sie händ d’Fassade verschisse
d’Vögel händ agnoh, meint en Spezialischt
I dem Huus produziert mir eh nur Mischt

1994

D’Hauptsach es stimmt für dich

Hüür im Herbscht wänd mir’s endlich probiere,
mir lönd eus als Gmeindrööt lo portiere
nid öppe, dass mer’s besser mieche
aber mir sind doch wenigschtens glatti Sieche

1995

Politunser^*

Hübschs, jungs, knackigs Personal
wünscht de Huwiler für’s Ami-Spital
Drum jogged d’Schwöster Alfonse wiä vergiftet
und im Früelig wird sie no rundumä gliftet

1996

Iloche

Bim Esse frogt mich mi Chlii: säg Pappe
händ d’Wiler es anders Gmeindswappe?
Wo dänksch au hii Kurtli, aber neii.
Doch, ufem Schulhusfahne isch keii Bär, sondern de Helfestei!

1997

Sparwut

D’Gmeind tued bi de Schuel jetzt drastisch spaare
D’Chind döfid nümme go Schlittschue faare
für de Buspass zahled’s no d’Hälfti vo de Hälfti, die Weiche,
glii bruchet Chind es Zwänzgi, wenn’s i de Schuel wänd seiche
und muess eis no stinkle oder go schiisse
tüend’s ihm glatt en Stutz usriisse

1998

Die Kuhlen und ihre Bauernregeln

Am zähni gsehsch diä Erschte geiinä
churz drufabe schnarchle scho einä
und schloft de au no de letschti Bürger ii,
isch zwöi Stund spöter d’Gmeindsversammlig verbii

(Hinweis: die Gemeindeversammlung ist gegen 24.00 zu Ende)

1999

Und tschüss

download des Schnitzelbanks

Mi Urgrossvater, Tante Emmi, de Vetter Ferdinand
hanged bii mim Grossi als Leitbilder a de Wand
Verstört duet sie s’neue Chomer Leidbild schwänke
Muess ich das zu diesne a d’Wand ufehänke

(Hinweis: Die Gemeinde erhält neues Leitbild)

^*Politunser

Politiker unser, auf dem Wahlzettel
Geheiligt werde deine Urne
Jo Binder fahre voraus
U.B. Wyss geschehe
Wie die Schaufel, so der Berger
Unser tägliches Problem ist Canepa
und vergib auch grad im Toni Stadelmaa
wie auch wir vergebens Susi Kuhn
Und führe uns nicht ins kritische Forum
sondern erlöse uns von der CVP

Denn dein sind die Wähler und die Sitzungsgelder
und de Gemeindschriiber Arnet
in Ewigkeit Amen